თბილისი, 1 მარტი — Sputnik. საქართველოს პრემიერ-მინისტრ გიორგი კვირიკაშვილი პარასკევს, 2 მარტს ერთდღიანი ოფიციალური ვიზიტით მიემგზავრება სომხეთში, იუწყება მთავრობის მეთაურის მეთაურის პრესსამსახური.
„პრემიერ-მინისტრი სომხეთის რესპუბლიკის მთავრობის მეთაურ კარენ კარაპეტიანს პირისპირ შეხვდება, რის შემდეგაც მოლაპარაკებები გაფართოებულ ფორმატში გაგრძელდება, სომხეთის რესპუბლიკისა და საქართველოს მთავრობის წევრების მონაწილეობით“, — ნათქვამია განცხადებაში.
სომეხი კოლეგის გარდა, გიორგი კვირიკაშვილი ასევე პირისპირ შეხვედრას გამართავს პრეზიდენტ სერჟ სარგსიანთან.
აღსანიშნავია, რომ საქართველოს პრემიერ-მინისტრის ოფიციალური ვიზიტი სომხეთში 2017 წლის დეკემბერში იგეგმებოდა, თუმცა მაშინ მეზობელ რესპუბლიკაში სტუმრობა საქართველოს მთავრობის განახლებული შემადგენლობისადმი პარლამენტის მიერ ნდობის გამოცხადების პროცედურის გამო გადაიდო.
