თბილისი, 1 მარტი — Sputnik. აბანოთუბანში მდებარე საიუველირო მაღაზიაში „ვერცხლეულობა“ შეიარაღებული და ნიღბიანი მამაკაცი შეიჭრა და გაძარცვა, იუწყება ტელეკომპანია „იმედი“.
ტელეკომპანიის ინფორმაციით, თავდამსხმელმა, რომელიც გამყიდველს ცეცხლსასროლი იარაღით ემუქრებოდა, ვიტრინებიდან 15 ათასი ლარის ღირებულების ვერცხლის ნაკეთობა გაიტაცა და მიიმალა.
პოლიცია უკვე სწავლობს მაღაზიის ვიდეოკამერების ჩანაწერებს. სისხლის სამართლის საქმე აღძრულია „ყაჩაღობის“ მუხლით, რაც 5-დან 15 წლამდე თავისუფლების აღკვეთით ისჯება.
