თბილისი, 28 თებერვალი — Sputnik. ბარათაშვილის ხიდის მიმდებარე ტერიტორიაზე შენობიდან შუშა გადმოვარდა და ექვს მოსწავლეს დაეცა, რომლებმაც სხვადასხვა სახის დაზიანებები მიიღეს, აცნობეს „Sputnik–საქართველოს" სასწრაფო სამედიცინო დახმარების სამსახურის პრეს-ცენტრში.
მომხდარი ფაქტის შედეგად დაზარალებული სამი მოზარდი ინგოროყვას საუნივერსიტეტო კლინიკაში გადაიყვანეს, დანარჩენები კი Amtel Hospital-ში.
შინაგან საქმეთა სამინისტროს მონაცემებით, ერთ-ერთი დაშავებულის მდგომარეობა მძიმე იყო. მედიკოსებმა მისი გადარჩენა ვერ შეძლეს.
მოზარდები თბილისის №70 საჯარო სკოლის მოსწავლეები არიან.
გამოძიება საქართველოს სსკ-ის 124-ე მუხლით დაიწყო, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს, რაც ისჯება ჯარიმით ან გამასწორებელი სამუშაოთი ვადით ორ წლამდე.
