გუდაურში სამთო მომზადების კურსი წარმატებით დასრულდა

© FB / Ministry of Education and Science of Georgiaსათავგადასავლო ტურიზმის საწვრთნელი ცენტრი გუდაურში
სათავგადასავლო ტურიზმის საწვრთნელი ცენტრი გუდაურში - Sputnik საქართველო
გამოწერა
მონაწილეებმა შეისწავლეს: ტექნიკური სრიალი, დაბრკოლებების ზოლის გადალახვა, დაშავებულის ევაკუაცია, თოვლში ღამის თევა და მთაში ტაქტიკური გადაადგილების ხერხები.

თბილისი, 24 თებერვალი — Sputnik. შინაგან საქმეთა სამინისტროს განსაკუთრებულ დავალებათა დეპარტამენტის  თანამშრომლებს, სამთო მომზადების ზამთრის საბაზისო კურსის წარმატებით გავლისთვის, სერტიფიკატები გადაეცათ, ნათქვამია უწყების მიერ გავრცელებულ განცხადებაში.

საჩხერის სამთო მომზადების სკოლის სწავლება - Sputnik საქართველო
ქართველი, ნატოს წევრი და პარტნიორი ქვეყნების სამხედროები გუდაურში გადამზადდებიან

ღონისძიებას შინაგან საქმეთა მინისტრის მოადგილე მერაბ მალანია, შინაგან საქმეთა სამინისტროს განსაკუთრებულ დავალებათა დეპარტამენტის დირექტორი გიორგი ყაყიჩაშვილი და თავდაცვის სამინისტროს გენერალური შტაბის წარმომადგენლები ესწრებოდნენ.

სასწავლო კურსის მიზანი იყო სამთო კურორტებზე უსაფრთხოების გაძლიერების კუთხით და Ski patrol-ის მიმართულებით განსაკუთრებულ დავალებათა დეპარტამენტის თანამშრომლების კვალიფიკაციის დონის ამაღლება.

გუდაურში სამთო მომზადების ზამთრის საბაზისო კურსი 17-მა თანამშრომელმა გაიარა. სწავლებას საჩხერის სამთო მომზადების სკოლისა და განსაკუთრებულ დავალებათა დეპარტამენტის სამთო ინსტრუქტორები უძღვებოდნენ.

მონაწილეებმა შეისწავლეს: ტექნიკური სრიალი, დაბრკოლებების ზოლის გადალახვა, დაშავებულის ევაკუაცია, თოვლში ღამის თევა და მთაში ტაქტიკური გადაადგილების ხერხები.


ყველა ახალი ამბავი
0