თბილისი, 22 თებერვალი — Sputnik. შერეული ორთაბრძოლების ქართველი მებრძოლი რაულ თუთარაული დარწმუნებულია, რომ რინგზე ვადამდე გაიმარჯვებს. ამის შესახებ მან Sputnik-ს შეჯიბრების წინა დღეს განუცხადა.
M-1 Challenge-ის ტურნირის მოქმედ ჩემპიონზე, რუს დამირ ისმაგულოვზე რევანში 22 თებერვალს მოსკოვში გაიმართება.
თბილისელმა სპორტსმენმა ისმაგულოვთან 2016 წლის მაისში წააგო. თუთარაულის თქმით, მაშინ რაღაცამ მოწამლა, ამიტომ „მესამე რაუნდში ძალები ამომეწურა. ორთაბრძოლის შემდეგ საავადმყოფოში მოვხვდი და მთელი თვე ვმკურნალობდი. ამ ბრძოლისთვის დიდხანს და გულმოდგინედ ვემზადებოდი. ეს ჩემთვის ძალზე მნიშვნელოვანი ბრძოლაა, რევანში".
მისმა რუსმა მეტოქემ სიხარულით განაცხადა, რომ მის საგულშემატკივროდ მშობლიური ორენბურგიდან ჩამოვლენ. თუთარაულისა და ისმაგულოვის ბრძოლა საღამოს მთავარი მოვლენაა, ამიტომ მათ მაყურბელის იმედგაცრუების უფლება არა აქვთ, მიიჩნევს დამირი.
რაულს ჩემპიონობისთვის მატჩის დასრულებამდე დალოდება არ უნდა: „ვფიქრობ, ამ ბრძოლას მანამდე მოვიგებ. გავიმარჯვებ, წავიღებ ქამარს საქართველოში, ჩემ მეგობრებთან".
თუთარაულისა და ისმაგულოვის დაპირისპირება სპორტკომპლექს Олимпийский-ში 22 თებერვალს გაიმართება.
