თბილისი, 20 თებერვალი — Sputnik. ლეკვი, რომელიც თბილისის მერმა კახა კალაძემ მუნიციპალური თავშესაფრიდან წამოიყვანა, დედაქალაქის მთავრობის სხდომას ესწრებოდა.
კალაძემ ცხოველთა მონიტორინგის სააგენტოს თავშესაფარი 13 თებერვალს მოინახულა. მან ერთ-ერთი ლეკვი წამოიყვანა და ჟურნალისტებს განუცხადა, რომ მისი ახალი მეგობარი, რომელსაც ტიფანი დაარქვეს, მერიაში დაბინავდება.
სამშაბათს სოციალურ ქსელებში გაჩნდა ლეკვის ფოტო და ვიდეო: ის თავისუფლად სეირნობდა სხდომათა დარბაზში, სანამ მისი პატრონი სერიოზულ თემებს განიხილავდა.
ცნობილია, რომ კალაძე ძაღლების მოყვარულია. მის აგარაკზე რამდენიმე ჯიშიანი ძაღლი ცხოვრობს, მათ შორის ჰასკი, ვეიმარანერი და სიბა-ინუ.
