ავსტრიაში ქართველმა ძიუდოისტებმა ორი ოქრო მოიპოვეს

© FB / European Judo Unionქართველი ძიუდოისტები ავსტრიაში
ქართველი ძიუდოისტები ავსტრიაში - Sputnik საქართველო
გამოწერა
საქართველოს ძიუდოისტთა ნაკრები ტურნირზე ძირითადი შემადგენლობით იყო წარმოდგენილი.

თბილისი, 19 თებერვალი — Sputnik. ქართველმა ძიუდოისტებმა European Judo Open-ის ტურნირზე, რომელიც ობერვარტში (ავსტრია) გაიმართა, ორი ოქროს, ერთი ვერცხლისა და ერთი ბრინჯაოს მედალი მოიპოვეს.

ძიუდო, პარიზის გრან-პრი - Sputnik საქართველო
ქართველმა ძიუდოისტებმა პარიზში ოთხი მედალი მოიპოვეს

საინტერესოა, რომ ოთხივე ჯილდო ქართველმა სპორტსმენებმა ორ მძიმე წონით კატეგორიაში მოიპოვეს. ონისე სანებლიძე 100 კგ-მდე წონით კატეგორიაში გახდა გამარჯვებული, ონისე ბუღაძემ კი ტურნირი +100 კგ წონით კატეგორიაში მოიგო.

გარდა ამისა, დავით ოზბეთელაშილმა (-100 კგ) ბრინჯაო მოიპოვა, გიორგი ქავთარაძემ (+100 კგ) კი მეორე ადგილი დაიკავა.

ტურნირის საერთო გუნდურ ჩათვლაში აზერბაიჯანის ნაკრებმა გაიმარჯვა, რომელსაც აქტივში 2 ოქროს, 1 ვერცხლისა და 2 ბრინჯაოს მედალი აქვს.

რაც შეეხება საქართველოს ნაკრების ლიდერებს, ისინი დიუსელდორფის გრან-პრისთვის ემზადებიან, რომელიც 23-25 თებერვალს გაიმართება.

ყველა ახალი ამბავი
0