თბილისი, 10 თებერვალი – Sputnik. ქუთაისში, დადიანის ქუჩაზე მრავალსართულიანი კორპუსის მეორე სართულიდან 77 წლის კაცი გადმოვარდა, იუწყება ტელეკომპანია Imedi.
ტელეკომპანიის ინფორმაციით, გადმოვარდნილი მამაკაცი ადგილზე გარდაიცვალა.
როგორც მეზობლები ჰყვებიან, მამაკაცი ავად იყო და ისინი ეჭვობენ, რომ მას გულის შეტევა დაემართა. ადგილზე მისულ სასწრაფო დახმარების ჯგუფს მამაკაცი გარდაცვლილი დახვდა.
როგორც „Sputnik-საქართველოს” შინაგან საქმეთა სამინისტროს პრესსამსახურში განუცხადეს, მომხდარ ფაქტზე აღძრულია სისხლის სამართლის საქმე 115-ე მუხლით, რაც „თვითმკვლელობამდე მიყვანას" გულისხმობს და 3 წლამდე ვადით თავისუფლების შეზღუდვას ან 2-დან 4 წლამდე ვადით პატიმრობას ითვალისწინებს.
ცხედარი ამ დროისათვის ექსპერტიზის ბიუროშია გადასვენებული.
