თბილისი, 9 თებერვალი — Sputnik. შინაგან საქმეთა სამინისტროს თანამშრომლებმა განზრახ მკვლელობის მომზადების ბრალდებით ირანის მოქალაქე თბილისში, ლერმონტოვის ქუჩაზე დააკავეს, ნათქვამია უწყების მიერ გავრცელებულ განცხადებაში.
გამოძიებამ დაადგინა, რომ ბრალდებულმა 5 500 აშშ დოლარის სანაცვლოდ მოამზადა თბილისში მყოფი ერთ-ერთი ირანელის მკვლელობა. ასევე დადგინდა, რომ ბრალდებულმა თბილისში, კონკრეტულ პირს, იარაღის შესაძენად თანხის ნაწილი წინასწარ მისცა, ხოლო მას შემდეგ, რაც სისრულეში მოიყვანდა მიღებულ დავალებას, დანარჩენ თანხასაც მიიღებდა.
გამოძიება ანგარებით, დამამძიმებელ გარემოებებში განზრახ მკვლელობის მომზადების ფაქტზე მიმდინარეობს (სსსკ-ის 18-109-ე მუხლის მე-3 ნაწილი), რაც ითვალისწინებს 16-დან 20 წლამდე ვადით ან უვადო თავისუფლების აღკვეთას.
