ყაზახეთში, ჰონგ-კონგსა და იაპონიაში ქართული ღვინის ექსპორტმა იმატა

© Sputnik / Alexander Imedashviliქართული ღვინო
ქართული ღვინო - Sputnik საქართველო
გამოწერა
ექსპორტიორი ქვეყნების პირველი ხუთეულია: რუსეთი (3 534 780 ბოთლი), უკრაინა (624 030), ჩინეთი (250 238), ყაზახეთი (220 776) და პოლონეთი (177 018).

თბილისი, 5 თებერვალი — Sputnik. 2018 წლის იანვარში საქართველოდან მსოფლიოს 24 ქვეყანაში 5,12 მლნ ბოთლის (0,75 ლ) ექსპორტი განხორციელდა, რაც 18%-ით აღემატება 2017 წლის ამავე პერიოდის მაჩვენებელს, იუწყება გარემოს დაცვისა და სოფლის მეურნეობის სამინისტროს ღვინის ეროვნული სააგენტო. 

„ღვინის ექსპორტის ზრდის კუთხით 2018 წელი პოზიტიურად დაიწყო. ზოგადად, იანვრის თვე ითვლება პასიურ თვედ, ამიტომ ასეთი მოკლე პერიოდის მონაცემებით ტენდენციებზე საუბარი ჯერ ადრეა. ბაზრების დივერსიფიკაციისა და ექსპორტის ზრდის შესახებ უფრო ზუსტი სურათი გამოიკვეთება პირველი კვარტლის მონაცემების მიღების შემდეგ“, — აღნიშნა ღვინის ეროვნული სააგენტოს თავმჯდომარემ გიორგი სამანიშვილმა.

იანვარში სულ ექსპორტირებულია 11,4 მლნ-მდე აშშ დოლარის ღირებულების ღვინო, ზრდამ გასული წლის ანალოგიურ მაჩვენებელთან შედარებით 31% შეადგინა.

ქართული ღვინო ერთ-ერთ ტურისტულ მაღაზიაში - Sputnik საქართველო
საქართველოს მეტი ღვინის გაყიდვა სურს

ექსპორტის მატება აღსანიშნავია შემდეგ ქვეყნებში: ყაზახეთი — 108% (220 776 ბოთლი), ჰონგ-კონგი — 100% (15 486), იაპონია — 95% (26 892), ლატვია — 90% (116 226), უკრაინა — 55% (624 030), რუსეთი — 24% (3 534 780), პოლონეთი — 13% (177 018), ისრაელი — 12% (19 680), ნიდერლანდები — 39% (2 248) და სხვა.  

ექსპორტიორი ქვეყნების პირველი ხუთეულია: რუსეთი  (3 534 780 ბოთლი), უკრაინა (624 030),  ჩინეთი  (250 238), ყაზახეთი  (220 776) და პოლონეთი (177 018).  

წლის დასაწყისში სხვადასხვა მოცულობის ღვინის ექსპორტი 70-მდე კომპანიამ განახორციელა.

ამასთან, იანვარში ექსპორტირებულია 1,06 მლნ ბოთლი (0,5 ლ) ბრენდი და 8,2 ათასი ბოთლი (0,5 ლ) ჭაჭა. 

ყველა ახალი ამბავი
0