თბილისი, 5 თებერვალი — Sputnik. თბილისში, წერეთლის გამზირზე მდებარე ერთ-ერთი საცხოვრებელი კორპუსის მეცხრე სართულიდან შუახნის ქალბატონი გადმოხტა, რომელიც ადგილზევე გარდაიცვალა, იუწყება ტელეკომპანია Imedi.
შემთხვევა დღეს, დილით მოხდა. ჯერჯერობით, უცნობია რა გახდა თვითმკვლელობის მიზეზი.
გამოძიება მიმდინარეობს სსკ-ის 115-ე ("თვითმკვლელობამდე მიყვანა") მუხლით, რაც ითვალისწინებს თავისუფლების შეზღუდვას სამ წლამდე ვადით ან თავისუფლების აღკვეთას ვადით ორიდან ოთხ წლამდე.
