თბილისი, 21 იანვარი — Sputnik. აჭარაში უმსხვილესი ინფრასტრუქტურული პროექტები იწყება, იუწყება ტელეკომპანია „იმედი“ (Imedi).
ერთ თვეში ბათუმის შემოვლითი გზის მშენებლობა დაიწყება. აპრილიდან კი ხულო-ზარზმის გზის მონაკვეთის მშენელობა განხორციელდება.
„აჭარაში გვაქვს სხვა უმსხვილესი პროექტები, გვყავს კონტრაქტორი ბათუმის შემოვლით გზაზე, ერთ თვეში უკვე კონკრეტული საქმიანობა დაიწყება ამ მიმართულებით. აპრილიდან ხულო-ზარზმის მიმართულებით დაიწყება მუშაობა, ასევე გზა გაკეთდება გოდერძიდან ბეშუმის მიმართულებით”, — განაცხადა რეგიონული განვითარებისა და ინფრასტრუქტურის მინისტრმა ზურაბ ალავიძემ.
აღნიშნული პროექტი ორზოლიანი ასფალტ-ბეტონის გზის, 19 სახიდე გადასასვლელისა და 5 გვირაბის მშენებლობას ითვალისწინებს.
