თბილისი, 19 იანვარი — Sputnik. მარნეულში მატარებლის შეჯახების შედეგად 12 წლის ბიჭი გარდაიცვალა, იუწყება ტელეკომპანია Imedi.
უბედური შემთხვევა 18 იანვარს მოხდა, როდესაც მოზარდი სკოლიდან შინ ბრუნდებოდა.
როგორც „Sputnik საქართველოს“ შინაგან საქმეთა სამინისტროს პრეს-სამსახურში განუცხადეს, მომხდარ ფაქტზე გამოძიება სსკ–ის კოდექსის 275-ე მუხლის მე-3 ნაწილით მიმდინარეობს, რაც რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
