თბილისი, 18 იანვარი — Sputnik. კატარი წყალი „სნოს" ნიმუშებით დაინტერესდა, განუცხადა მოძრაობა KAR.GE-ს დამფუძნებელმა ტარიელ ზივზივაძემ „Sputnik საქართველოს“.
„შპს „აქვა გეო"-ს ბრენდი „სნო"-ს წყლის 6 სხვადასხვა შუშისა და პეტის ბოთლში ჩამოსხმული ნიმუშები (საერთო წონით 17.5 კგ) კატარში თურქული ავიახაზების მეშვეობით გაიგზავნა,"- აღნიშნა ტარიელ ზივიზვაძემ.
ტარიელ ზივიზივაძის თქმით, მოლაპარაკებები კატართან 3 თვე მიმდინარეობდა.
„რადგან მათთვის ფასი აღმოჩნდა მისაღები, საქართველოდან გაიგზავნა ნიმუშები. თუ მათ ნიმუშებიც მოეწონებათ, შემდეგ უკვე ამას შეიძლება ექსპორტის კონკრეტული ხაზის გაჭრა მოჰყვეს" — თქვა ტარიელ ზივზივაძემ.
მისივე თქმით, ქართული წყლის კატარის ბაზარზე შესვლა სრულიად შესაძლებელია, რადგან მას ფასიც კონკურენტული აქვს და ხარისხიც.
