თბილისი, 15 იანვარი — Sputnik. ხაშურში წუხელ, გვიან ღამით ორი მოსწავლე ცივი იარაღით დაჭრეს, განუცხადა „Sputnik–საქართველოს" ხაშურის საგანმანათლებლო რესურს-ცენტრის უფროსმა ზვიად გოგუაძემ.
„დაჭრილია ხაშურის მუნიციპალიტეტის სოფელ ოსიაურის საჯარო სკოლის ორი მოსწავლე. ამ ეტაპზე ისინი სავადმყოფოში იმყოფებიან და მათი ჯანმრთელობის მდგომარეობა სტაბილურია", — განაცხადა გოგუაძემ.
არსებული ინფორმაციით, ინციდენტი ერთ-ერთ რესტორანში მოხდა.
„Sputnik–საქართველოს" ხაშურის საავადმყოფოში განუცხადეს, რომ ერთ-ერთ მოსწავლეს ოპერაცია უკვე გაუკეთეს და მისი ჯანმთელობის მდგომარეობა სტაბილურია, ხოლო მეორე პაციენტს ამ წუთებში ამბულატორიული მკურნალობა უტარდება.
როგორც შინაგან საქმეთა სამინისტროს პრეს-სამსახურში აცხადებენ, მომხდართან დაკავშირებით დაწყებულია გამოძიება საქართველოს სისხლის სამართლის კოდექსის 19-109-ე მუხლით, რაც განზრახ მკვლელობის მცდელობას გულისხმობს. ამჟამად მიმდინარეობს საგამოძიებო მოქმედებები.
