თბილისი, 15 იანვარი — Sputnik. ქობულეთის სოფელ ოჩხამურში დააკავეს მსუბუქი ავტომანქანის მძღოლი, რომელიც ფეხით მოსიარულეებს დაეჯახა, იუწყება ტელეკომპანია Imedi შსს-ზე დაყრდნობით.
გვიან ღამით მოხდარი ავტოავარიის შედეგად, 3 წლის ბავშვი ადგილზე გარდაიცვალა, ხოლო ერთი დაშავებული საავადმყოფოში გადაიყვანეს. არსებული ინფორმაციით, ის კლინიკიდან უკვე გაწერეს.
სისხლის სამართლის საქმე სსკ-ის 276-ე მუხლის მე-5 ნაწილით აღიძრა, (ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ადამიანის სიცოცხლის მოსპობა გამოიწვია).
