გორან ბრეგოვიჩი თბილისში სიყვარულის დღეს წარდგება

© photo: Sputnik / Vitaly Belousov / გადასვლა მედიაბანკშიგორან ბრეგოვიჩი
გორან ბრეგოვიჩი - Sputnik საქართველო
გამოწერა
ემირ კუსტურიცას ფილმების მუსიკის ავტორი მუსიკალურ ჯგუფ Wedding and Funeral Orchestra-სთან ერთად წარდგება

თბილისი, 15 იანვარი — Sputnik. მსოფლიოში ცნობილი მუსიკოსი და კომპოზიტორი გორან ბრეგოვიჩი თბილისში კონცერტს სიყვარულის დღეს — 2018 წლის 15 აპრილს გამართავს.

ბრეგოვიჩი აღმოსავლეთ ევროპის ქვეყნებში როკ-ჯგუფ Bijelo Dugme-ით არის ცნობილი და მთელ მსოფლიოში მას იცნობენ, როგორც ემირ კუსტურიცას ფილმების მუსიკის ავტორს.

კონცერტი თბილისის სპორტის სასახლის სცენაზე გაიმართება. ბრეგოვიჩის კონცერტზე ბილეთები გაიყიდება 25 იანვარს 12:00 საათზე ფილარმონიის სალაროებში და ონლაინ. ბილეთების ღირებულება — 23-120 ლარი.

კონცერტის ორგანიზატორია კომპანია Art Media Group-ი.

გორან ბრეგოვიჩი — სარაევოს მკვიდრია. საერთაშორისო წარმატება ბრეგოვიჩმა მას შემდეგ მოიპოვა, რაც მუსიკოსმა ფილმებისთვის მუსიკის წერა დაიწყო, განსაკუთრებით ემირ კუსტურიცას ფილმებისთვის ("ბოშათა დრო", "არიზონას ოცნება" (იგი პოპის მონაწილეობით), "ანდერგრაუნდი"). შემდეგ პროექტს – პატრის შეროს ფილმისთვის "დედოფალი მარგო" დაწერილ მუსიკას დიდი წარმატება ხვდა წილად — მან კანის ფესტივალზე ორი ჯილდო მოიპოვა. 

© photo: Sputnik / Ilya Pitalev / გადასვლა მედიაბანკშისერბი მუსიკოსი და კომპოზიტორი გორან ბრეგოვიჩი
Сербский музыкант и композитор Горан Брегович - Sputnik საქართველო
სერბი მუსიკოსი და კომპოზიტორი გორან ბრეგოვიჩი

ბრეგოვიჩი ფილმების მუსიკას 1970-იანი წლების ბოლოდან წერს. მისი საუნდტრეკები ყოველთვის გაჯერებულია სასულე ინსტრუმენტების თანხლებით შესრულებული ბალკანური და ბოშური ტრადიციული მუსიკის ელემენტებით.

საგასტროლო კონცერტებზე ბრეგოვიჩი მუსიკალურ კოლექტივთან Wedding and Funeral Orchestra-სთან ერთად გამოდის, ამ კონცერტებზე ფილმების მუსიკა სრულდება. ორკესტრის ძირითად შემადგენლობაში არიან მუსიკოსები: მუკარემ რეჯეპი (დრამი, ვოკალი), ბოკან სტანკოვიჩი (საყვირი), დრაგიჩ ველიჩკოვიჩი (საყვირი), სტოიან დიმოვი (საქსოფონი, კლარნეტი), მილოშ მიხაილოვიჩი (ბარიტონი), ალექსანდრ რაიკოვიჩი (ბარიტონი) და ორი ბულგარელი მომღერალი: დანიელა რადკოვა-ალექსანდროვა და ლიუდმილა რადკოვა-ტრაიკოვა.

საქართველოში გორან ბრეგოვიჩი კონცერტს პირველად არ მართავს. ცნობილმა მუსიკოსმა კონცერტები 2007 და 2012 წლებში ჩაატარა.

 

 

 

 

ყველა ახალი ამბავი
0