თბილისი, 10 იანვარი — Sputnik. თბილისში ქარიანი ამინდი მთელი დღე გაგრძელდება, მისი სიჩქარე წამში 20-25 მეტრი იქნება, აღნიშნულია გარემოს დაცვის ეროვნული სააგენტოს ვებ-გვერდზე.
თბილისში ქარიშხალი მთელი ღამე მძვინვარებდა. მან ფესვებიანად მოგლიჯა ხეები, დააზიანა ელექტროგადამცემი ხაზები და ავტომობილები, ასევე პარალიზებული იყო თბილისის საერთაშორისო აეროპორტის მუშაობა. აეროპორტში ქარის სიჩქარე წამში 31 მეტრს აღწევდა.
რაც შეეხება ჰაერის ტემპერატურას, ოთხშაბათს თბილისში საშუალოდ 4 გრადუსი სითბო იქნება.
