თბილისი, 8 იანვარი — Sputnik. ჩინეთის აღმოსავლეთ სანაპიროსთან მშრალ ტვირთმზიდთან შეჯახების შემდეგ ცეცხლმოკიდებული ნავთობტანკერი შესაძლოა აფეთქდეს და ჩაიძიროს, იუწყება საინფორმაციო სააგენტო РИА Новости.
ინციდენტის შედეგად გაუჩინარებულია ტანკერის ეკიპაჟის 32 წევრი. მათი ძებნა გრძელდება. ამ დროისათვის ნაპოვნია ერთი მეზღვაურის ცხედარი, რომელსაც შანხაიში გადაიყვანენ შესაბამისი პროცედურების ჩასატარებლად და ვინაობის დასადგენად.
【巴拿马籍油船与香港籍散货船碰撞起火 搜救正在进行】6日20时许,巴拿马籍油船“SANCHI”轮与香港籍散货船“CF CRYSTAL”轮在长江口以东约160海里处发生碰撞。油船“SANCHI”轮全船失火,32名船员失联;散货船“CF CRYSTAL”轮有破损,21名船员全部为中国籍,已被安全救起。https://t.co/iZMisozhrr pic.twitter.com/WLHwAyCTRo
— 中国新闻社 (@CNS1952) 7 января 2018 г.
ავარია 6 იანვრის საღამოს მოხდა. ტანკერი, რომელიც ირანულ კომპანია Sanchi-ს ეკუთვნოდა და პანამის დროშით ცურავდა, ჰონგ-კონგის მშრალ ტვირთმზიდ CF CRYSTAL-ს შეეჯახა. ტანკერის ბორტზე მყოფი 32 ადამიანიდან 30 ირანის მოქალაქეა, ხოლო ორი — ბანგლადეშისა. რაც შეეხება ჰონგკონგურ ტვირთმზიდს, მის ბორტზე მყოფი ეკიპაჟის 21 წევრიდან ყველას გადარჩენა მოხერხდა.
ჩინეთის ხელისუფლებამ შემთხვევის ადგილზე ოთხი სამაშველო და სამიც სპეციალური ხომალდი გაგზავნა დაღვრილი ნავთობის სალიკვიდაციოდ. სამხრეთ კორეამ, თავის მხრივ, დაკარგული მეზღვაურების ძებნის საქმეში ერთი ხომალდი და ვერტმფრენი ჩართო. მოგვიანებით ოპერაციას აშშ-ის სამხედრო-საზღვაო ძალებიც შეუერთდა.