თბილისი, 31 დეკემბერი — Sputnik. შოთა რუსთაველის სახელობის თბილისის საერთაშორისო აეროპორტი ძლიერი ნისლის გამო შეფერხებებით მუშაობს, იუწყება ტელეკომპანია „რუსთავი 2“ (Rustavi 2).
ტელეკომპანიის ინფორმაციით, რეისი ვარშავა-თბილისი-ვარშავა გამთენიისას უნდა შესრულებულიყო, თუმცა ნისლისა და ცუდი ხილვადობის გამო გაუქმდა.
დაბალი ხილვადობის გამო, აეროპორტში ვერ დაეშვა ლონდონი-თბილისის რეისი და ის ქუთაისის საერთაშორისო აეროპორტმა მიიღო.
ასევე შეფერხდა აქტაუ-თბილისის რეისი და ბორტი შოთა რუსთაველის სახელობის აეროპორტის ნაცვლად, ერევანში დაეშვა.
