თბილისი, 18 დეკემბერი — Sputnik. „Sputnik საქართველოს“ მკითხველთა დიდ ნაწილს მთაში დასვენება სურს, ასეთია საინფორმაცია სააგენტოს ვებ-გვერდზე ჩატარებული გამოკითხვის შედეგები.
კითხვაზე „სად ისურვებდით საქართველოში ზამთრის პერიოდში დასვენებას?“, გამოკითხვაში მონაწილეთა 48,8%-მა უპასუხა — „მთაში, სადაც დიდი თოვლია“. სოფელში, ბუხრის პირას დასვენების მოხრეა 29,0%, სახლში ნებივრობის სურვილი გამოთქვა 16,1%-მა, ხოლო დასვენება ზაფხულისთვის გადადო გამოკითხვაში მონაწილეთა 6,5%-მა.
საქართველოს მთის კურორტებზე სეზონი ერთმანეთის მიყოლებით იხსნება — პირველი სტუმრები უკვე გამოჩნდნენ გოდერძიზე, გუდაურსა და მესტიაში.
რაც შეეხება კურორტ ბაკურიანს, აქ დიდველის სათხილამურო ტრასა 12 დეკემბერს გაიხსნა, ხოლო კოხტა-მიტარბის ტრასა 23 დეკემბერს გაიხსნება.
