თბილისი, 12 დეკემბერი — Sputnik. შინაგან საქმეთა სამინისტროს თანამშრომლებმა ცეცხლსასროლი იარაღის და საბრძოლო მასალის უკანონო შეძენა-შენახვის ბრალდებით 1974 წელს დაბადებული პირი ბათუმში დააკავეს, ნათქვამია უწყების მიერ გავრცელებულ განცხადებაში.
სამართალდამცველებმა წარსულში მრავალჯერ ნასამართლევი პირის საცხოვრებელი ბინის ჩხრეკისას, ნივთმტკიცებად ამოიღეს ორლულიანი თოფი, 2 ვაზნა და 1 ხელყუმბარა.
ექსპერტიზის დასკვნით, ამოღებული ცეცხლსასროლი იარაღი და საბრძოლო მასალა სასროლად ვარგისია.
გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ფაქტზე მიმდინარეობს (სსკ-ს 236-ე მუხლის მე-2 ნაწილი). დაკავებულს ოთხ წლამდე ვადით თავისუფლების აღკვეთა ემუქრება.
