თბილისი, 12 დეკემბერი — Sputnik. კომპანია Samsung-მა ინტელექტუალური საკუთრების მსოფლიო ორგანიზაციაში განაცხადი წარადგინა „ჭკვიანი“ სვიტერის პატენტზე, ნათქვამია ვებგვერდზე LetsGoDigital.
კომპანიის ჩანაფიქრის თანახმად, სვიტერი, რომელშიც რამდენიმე პროცესორი იქნება მოთავსებული, ადამიანის ენერგიას მოძრაობისას ელექტრობად გარდაქმნის და დენის წყაროსთან მიუერთებლად დატენის გაჯეტებს. შესაბამისი აკუმულატორი, რომლის ზომებიც ჯერჯერობით ცნობილი არ არის, წელის ქვედა ნაწილში მოთავსდება. თუმცა კომპანიის განაცხადიდან ირკვევა, რომ ეს მცირე სიმძლავრის ბატარეა იქნება.
Samsung patents smart clothes that are powered by you to charge your phone
— Rjgadgets (@Rjgadgets) 8 декабря 2017 г.
Samsung actually applied for this patent in Korea last year,so it's possible the tech is already at an advanced stage-we might even see some of it at CES 2018 in January.#Samsung #smartclothes #SmartNews pic.twitter.com/Pk7DtV53GJ
აღსანიშნავია, რომ სამომავლოდ ასევე იგეგმება მსგავსი დამტენებით ფეხსაცმელების, ხელთათმანებისა და თავსაბურავების აღჭურვა.
გაჯეტების 2015 წლის IFA-ს გამოფენაზე კომპანია Samsung-მა ჭკვიანი სამოსის საკუთარი ბრენდი The HumanFit, სმარტ-კოსტიუმის მუშაობის კონცეფცია და ასევე ქალის სპეციალური ხელჩანთა წარმოადგინა, რომელშიც მზის ბატარეები იყო განთავსებული. ხოლო 2016 წელს გამოფენაზე CES „ჭკვიანი“ ქამარი გაიტანა, რომელიც ასვე სმარტფონთან იყო მიერთებული.
როგორც მოსალოდნელია, „სამსუნგი“ თავის ახალ პროექტს CES 2018-ზე წარმოადგენს, რომელიც იანვარში ჩატარდება ლას-ვეგასში.
