თბილისი, 10 დეკემბერი — Sputnik. ერთი ადამიანი დაშავდა რუსთაველის გამზირზე ავტომობილის ავტობუსთან შეჯახების შედეგად, იუწყება ტელეკომპანია „რუსთავი 2“ (Rustavi 2).
შემთხვევა ოპერის მიმდებარე ტერიტორიაზე მოხდა. მსუბუქი ავტომობილი, მაღალი სიჩქარით მოძრაობდა და გაჩერებაზე მდგარ ავტობუსს შეეჯახა.
ავარიის შედაგად დაშავებული მსუბუქი დაზიანებებით საავადმყოფოშია გადაყვანილი.
შინაგან საქმეთა სამინისტროს ინფორმაციითთ, რუსთაველზე მომხდარი ამ ავტოსაგზაო შემთხვევის შედეგად სულ ოთხი ავტომობილი დაზიანდა.
სისხლის სამართლის საქმე აღძრულია სსკ-ის 276-ე მუხლით (ავტომობილის, ტრამვაის, ტროლეიბუსის, ტრაქტორის ან სხვა მექანიკური ტრანსპორტის მოძრაობის უსაფრთხოების ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს და რამაც ჯანმრთელობის ნაკლებად მძიმე დაზიანება გამოიწვია).
