თბილისი, 9 დეკემბერი — Sputnik. საქართველოს ყოფილი პრეზიდენტი და ოდესის ოლქის ყოფილი გუბერნატორი მიხეილ სააკაშვილი, რომელიც ამ დროისათვის, გავრცელებული ინფორმაციით, კიევის იზოლატორშია გადაყვანილი, საკუთარ „ფეისბუქზე“ მიმართვას ავრცელებს.
სააკაშვილი უკრაინის მოსახლეობას მოუწოდებს, უშიშრად გავიდნენ საპროტესტო აქციებზე და პრეზიდენტის იმპიჩმენტი მოითხოვონ.
„ერთად დავიცვათ უკრაინა კორუფციისა და თავნებობისგან“, — წერს დაპატიმრებული პოლიტიკოსი.
მიხეილ სააკაშვილი პარასკევს, გვიან ღამით დააკავეს კიევში ყოფილი პოლიციელის ბინაში, სადაც ჯანმრთელობის მდგომარეობის გამო იყო გადაყვანილი კარვების ქალაქიდან.
