თბილისი, 9 დეკემბერი — Sputnik. რიკოთის გვირაბში ტრანსპორტის მოძრაობა აიკრძალება ღამის საათებში, რაც ავტომატიზებული მართვის სისტემის (SKADA) განახლებას უკავშირდება, ნათქვამია საავტომობილო გზების დეპარტამენტის განცხადებაში.
გვირაბი 00:00 საათიდან 07:00 საათამდე ხუთი დღის განმავლობაში — 11-დან 15 დეკემბრამდე დაიკეტება. ავტომობილის მძღოლებს შემოვლითი გზით სარგებლობა მოუწევთ.
დროის ამ პერიოდში რიკოთის გვირაბის შემოსავლელ გზაზე 2 სხვადასხვა ადგილას საბუქსირე მექანიზმები იმორიგევებენ.
რიკოთის გვირაბი რიკოთის უღელტეხილზე მდებარეობს. 1,7 კილომეტრის სიგრძის გვირაბი 1982 წელს აიგო.
