თბილისი, 8 დეკემბერი — Sputnik. ამერიკელმა მეცნიერებმა განაცხადეს, რომ ჩატარებული ექსპერიმენტების შედეგად აღმოჩენილია გენეტიკური მარკერები, რომლებიც მამაკაცებს ჰომოსექსუალური კავშირებისკენ უბიძგებს. კვლევების შედეგები გამოქვეყნდა სამეცნიერო ჟურნალში Scientific Reports.
ექსპერიმენტში 1230 ჰეტეროსექსუალი და 1077 ჰომოსექსუალი მონაწილეობდა, რომლებიც საკუთარ ორიენტაციას თავშივე აფიქსირებდნენ ანკეტებში.
ლაბორატორიულმა ტესტებმა აჩვენა, რომ ჰომოსექსუალი თუ ჰეტეროსექსუალი მამაკაცები ატარებენ გენების არაკოდირებადი ფრაგმენტების სხვადასხვა ვარიანტებს, რომლებიც ტვინის განვითარებასა და ფარისებრი ჯირკვლის მუშაობასთან არის კავშირში.
ერთ-ერთი ამ ფრაგმენტთაგანი მე-13 ქრომოსომაზე მდებარეობს SLITRK5 და SLITRK6 გენებს შორის. ის შუა ტვინში ექსპრესირდება (ანუ გარდაქმნის გენის მემკვიდრეობით ინფორმაციას რიბონუკლეინის მჟავად ან ცილად) და შემდეგ
კიდევ ერთი მარკერი TSHR გენის მე-14 ქრომოსომაში აღმოაჩინეს. ეს გენეტიკური ვარიანტი ფარისებრი ჯირკვლის ჰორმონების კონცენტრაციაზე ახდენს გავლენას. გამომდინარე აქედან, მეცნიერებმა ივარაუდეს, რომ ჰომოსექსუალობა, შესაძლოა, სწორედ ფარისებრი ჯირკვლის მუშაობასთან იყო დაკავშირებული.
