თბილისი, 6 დეკემბერი — Sputnik. საქართველოს ექს-პრეზიდენტსა და ოდესის ოლქის ყოფილ გუბერნატორ მიხეილ სააკაშვილზე ძებნა გამოცხადდა, განაცხადა უკრაინის გენერალური პროკურორის პრეს-მდივანმა ლარისა სარგანმა, იუწყება საინფორმაციო სააგენტო РИА Новости.
პრეს-მდივანმა „ტვიტერის“ მიკრობლოგზე შემდეგი განცხადება განათავსა:
„სააკაშვილზე ძებნაა გამოცხადებული… რაც ეროვნული პოლიციისა და უშიშროების სამსახურის ოპერატიულ ქვედანაყოფებს დაევალათ“.
Прокуратурою м.Києва розпочато кримінальне провадження за фактом перешкоджання нардепутатами діям правоохоронців, які проводили затримання М.Саакашвілі. Відомості внесено до ЄРДР за ч. 2 ст. 343 КК України. Проведення досудового розслідування доручено ГУ СБУ в м Києві та Київ.обл
— Лариса Сарган (@SarganLarysa) 5 декабря 2017 г.
მოგვიანებით უკრაინის ეროვნულმა პოლიციამ განაცხადა, რომ სააკაშვილზე გამოცხადებული ძებნის ღონისძიებების ფარგლებში უმაღლესი რადის მიმდებარედ განლაგებულ კარვების ქალაქში დილით ჩხრეკა ჩატარდა, მაგრამ პოლიტიკოსი კარვებში არ აღმოჩნდა.
სამართალდამცველების თქმით, სააკაშვილის მომხრეებმა პოლიციას პროვოკაციები მოუწყვეს, მაგრამ არავინ დაუკავებიათ. თუმცა მანამდე მიხეილ სააკაშვილმა საზოგადოებას ამცნო, რომ დილით უცნობი პირები მის მომხრეებს თავს დაესხნენ და სცემეს ისინი.
ამჟამად რადასთან კვლავ რჩებიან პოლიციის გაძლიერებული რაზმები.
