თბილისი, 22 ნოემბერი — Sputnik. საქართველო-რუსეთის საზღვრისკენ მიმავალ გზაზე ტრანსპორტის მოძრაობის შეზღუდვები მოხსნილია, ნათქვამია საქართველოს რეგიონული განვითარებისა და ინფრასტრუქტურის სამინისტროს საავრომობილო გზების დეპარტამენტის განცხადებაში.
მცხეთა-სტეფანწმინდა-ლარსის გზის გუდაური-კობის მონაკვეთზე სამშაბათს მისაბმელიანი და ნახევრადმისაბმელიანი ტრანსპორტის მოძრაობა აიკრძალა.
„მცხეთა–სტეფანწმინდა–ლარსის საავტომობილო გზაზე ყველა სახის ავტოტრანსპორტისათვის მოძრაობა თავისუფალია“, — ნათქვამია განცხადებაში.
სატრანსპორტო-გამშვები პუნქტი „ყაზბეგი-ზემო ლარსი“ დღეისათის ერთადერთი მოქმედი სახმელეთო საზღვარია, რომელიც საქართველოს და რუსეთს აკავშირებს.
