დაუჭერს თუ არა მხარს საპარლამენტო უმრავლესობა სტრუქტურულ ცვლილებებს
„არის ბევრი სამსჯელო საკითხი, რაც ინიცირების შემდეგ განიხილება საქართველოს პარლამენტში, მაგრამ საბოლოო ჯამში, იმდენად დადებით პროექტზე გვაქვს საუბარი, იმდენად კარგია და დროულია ოპტიმიზაცია, რომ საქართველოს პარლამენტი ამას მხარს დაუჭერს“, — აღნიშნა მამუკა მდინარაძემ.
საქართველოს მთავრობაში განსახორციელებელი სტრუქტურული ცვლილებების თანახმად, უქმდება ენერგეტიკის სამინისტრო, გარემოს დაცვისა და ბუნებრივი რესურსების სამინისტრო, სპორტისა და ახალგაზრდობის საქმეთა სამინისტრო, ასევე ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატი.
