თბილისი, 19 ნოემბერი — Sputnik. შსს-ს საპატრულო პოლიციის დეპარტამენტის სამეგრელო-ზემო სვანეთის მთავარი სამმართველოს თანამშრომლებმა ყაჩაღობის ბრალდებით 29 წლის მამაკაცი დააკავეს, იუწყება შსს-ს პრესსამსახური.
შსს-ს პრესსამსახურის განცხადებით, ბრალდებულმა სენაკის რაიონის სოფელ ქვალონის მიმდებარე ტერიტორიაზე მოქალაქეს დანის მუქარით „მერსედესის“ მარკის ავტომობილი გასტაცა და შემთხვევის ადგილიდან მიიმალა.
სამართალდამცველებმა ბრალდებული ცხელ კვალზე, მომხდარიდან რამდენიმე წუთში დააკავეს.
შსს-ს ცნობით, დაკავებული ჩადენილ დანაშაულს აღიარებს.
გამოძიება ყაჩაღობის ფაქტზე, სსკ-ს 179-ე მუხლით მიმდინარეობს, რაც ექვსიადან ცხრა წლამდე ვადით თავისუფლების აღკვეთით ისჯება.
