თბილისი, 17 ნოემბერი — Sputnik. ორსულობისას ელექტრონული სიგარეტის მოხმარებას ემბრიონის პირის ღრუსა და სახის დეფექტების გამოწვევა შეუძლია, აღნიშნულია პორტალ Medical Xpress-ზე გამოქვეყნებულ კვლევაში, იუწყება საინფორმაციო სააგენტო РИА Новости.
კვლევის დროს გამოიყენებს ბაყაყების ემბრიონები, რომლებიც განვითარების მხრივ ადამიანის ემბრიონს ჰგავს, და ძუძუმწოვრების ნერვული დაბოლოებების უჯრედების ნიმუშები, რომლებიც თავის ქალისა და სახის განვითარებაში საკვანძო როლს ასრულებს.
ცდების შემდეგ ემბრიონების 75%-ს აღენიშნებოდა სახის დეფექტები, განსაკუთრებით პირის ღრუსთან მიმართებით. ზოგიერთს აღენიშნებოდა სახის არსებითი შემცირება.
კვლევის ავტორები ექსპერიმენტების გაგრძელებას აპირებენ. როგორც ისინი აცხადებენ, მათი მიზანია, საზოგადოებას ინფორმაცია მიაწოდონ ვეიპინგის (ელექტრონული სიგარეტის მოხმარების) საფრთხეზე.
უფრო ადრე შვედმა მედიკოსებმა დაადგინეს, რომ ელექტრონული სიგარეტების ხანგრძლივი მოხმარება ზრდის გულისა და სისხლძარღვების პრობლემების გაზრდის ალბათობას.
