თბილისი, 15 ნოემბერი — Sputnik. სამხრეთ კორეის აღმოსავლეთ სანაპიროზე, კიონსან-პუქტოს პროვინციაში 5,4 მაგნიტუდის მიწისძვრა მოხდა, იუწყება საინფორმაციო სააგენტო РИА Новости სამხრეთ კორეის მეტეოროლოგიური სამმართველოს ინფორმაციაზე დაყრდნობით.
მიწისძვრას წინ უძღოდა 2,2 და 2,6 მაგნიტუდის მიწისქვეშა ბიძგები. მიწისძვრის შემდეგ დაფიქსირდა რამდენიმე აფტერშოკური ბიძგი, რომელთა მაგნიტუდა 3,6-ს არ აჭარბებდა.
ბიძგები იგრძნობოდა სამხრეთ კორეის დედაქალაქშიც მიუხედავად იმისა, რომ ის მიწისძვრის ეპიცენტრიდან ასეულობით კილომეტრით არის დაშორებული. სახანძრო სამსახური იუწყება, რომ დაშავდა ოთხი ადამიანი და დაზიანდა 17 შენობა.
