ასი ათასი წმინდა მოწამის ხსენების დღეს,მორწმუნეები თბილისში მეტეხის ხიდზე შეიკრიბნენ. იხილეთ Sputnik-საქართველოს ვიდეო, თუ როგორ მიმდინარეობდა ღვთისმსახურება თბილისის ისტორიულ ცენტრში.
1227 წელს საქართველოს ხვარაზმის სულთანი ჯალალედინი დაესხა თავს. ბრძოლის პირველ დღეს ქართულმა არმიამ თბილისთან მტერი მიგერია, თუმცა თბილისში მცხოვრებმა სპარსელებმა ღამით ქალაქის კარიბჭე გახსნეს და მტრის ჯარი შემოუშვეს.
ჯალალედინის ბრძანებით სიონის ტაძრიდან ხიდზე გამოასვენეს ღვთისმშობლის ხატი და ქალაქის მოსახლეობას მის გათელვას აიძულებდნენ. ის, ვინც უარს იტყოდა ქრისტიანობაზე და შეურაცხყოფდა ხატს, სიცოცხლეს ინარჩუნებდა, დანარჩენებს კი თავები მოჰკვეთეს. ამ დღეს სიწმინდის დაცვას ასი ათასი ქართველის სიცოცხლე შეეწირა.
