რას მოუტანს ანაკლიის პორტი სამეგრელოს მოსახლეობას
„ადამიანებისთვის, რომლებიც ანაკლიაში მიწას ან უძრავ ქონებას ფლობენ და მისი რეალიზაციით არიან დაინტერესებული, ანაკლიაში პორტის მშენებლობა საკმაოდ შემოსავლიანი იქნება“, — განუცხადა ლევან კალანდაძემ „Sputnik–საქართველოს“.
საქართველოში პირველი ღრმაწყლოვანი პორტის მშენებლობა ანაკლიაში 20 დეკემბერს დაიწყება, რომელიც ქვეყნის ხელისუფლების ყველაზე მასშტაბურ პროექტს წარმოადგენს. პორტის მშენებლობის პირველი ფაზის ფარგლებში დაგეგმილია 586 მლნ აშშ დოლარის ოდენობის ინვესტიციის განხორციელება. მარტის დასაწყისში კომპანია „ანაკლიის განვითარების კონსორციუმმა" პორტის განვითარების გენერალური გეგმა წარმოადგინა, რომელიც 50 წელზეა გათვლილი.
