თბილისი, 7 ნოემბერი — Sputnik. სიმღერის კონკურს „ევროვიზია-2018“-ის ორგანიზატორებმა მონაწილე ქვეყნების სია გამოაცხადეს — მასში საქართველოს ჩათვლით 42 ქვეყანა შევიდა.
კონკურსის ლოგო ზღვის თემატიკას უკავშირდება, მისი ოფიციალური დევიზია „ყველანი ბორტზე!“, რაც ასევე გამოხატავს პორტუგალიის განსაკუთრებულ ადგილმდებარეობას, რომელიც დანარჩენ ევროპას ატლანტიკურ ოკეანესთან აკავშირებს.
„ევროვიზია-2017“ მაისში კიევში გაიმართა. საქართველოს წარმომადგენელი, მომღერალი თამარ გაჩეჩილაძე პირველ ნახევარფინალში დამარცხდა და კონკურსის ფინალში ვერ გადავიდა.
მე-15 ყოველწლიური საბავშვო კონკურსი „ევროვიზია“ 2017 წლის 26 ნოემბერს თბილისის ოლიმპიურ სასახლეში გაიმართება. ამ კონკურსის სლოგანია „ანათე“. სიმღერის საბავშვო კონკურსზე საქართველოს 12 წლის გრიგოლ ყიფშიძე სიმღერით „გულის ხმა“ წარადგენს.
