თბილისი, 5 ნოემბერი — Sputnik. საუდის არაბეთის მემკვიდრე პრინცის ხელმძღვანელობით შექმნილმა კორუფციასთან ბრძოლოს კომიტეტმა მმართველი ოჯახის 11 პრინცისა და ოთხი მოქმედი მინისტრის დაკავების განკარგულება გასცა, იუწყება РИА Новости საუდის არაბეთის ტელეარხ „ალ-არაბიაზე“ დაყრდნობით.
საუდის არაბეთის ახალი ამბების პორტალი „აჯილი“ იუწყება, რომ მმართველი ოჯახის წევრები დაკავებულნი არიან იარაღის უკანონო ვაჭრობის, არარსებული გარიგებების გაფორმებისა და ფულის გათეთრების ბრალდებით.
შაბათს საუდის არაბეთის მეფემ სალმან ბენ აბდელ აზიზ ალ საუდმა კორუფციასთან ბრძოლის უმაღლესი კომიტეტის შექმნის შესახებ განკარგულება გასცა, რომელსაც სათავეში სამეფოს მემკვიდრე პრინცი მუჰამედ ბენ სალმანი ჩაუდგა.
