თბილისი, 2 ნოემბერი — Sputnik. ახალციხის პოლიციის თანამშრომლებმა 1988 წელს დაბადებული თ.ი. გამოძალვის ბრალდებით ახალციხეში დააკავეს, იუწყება შინაგან საქმეთა სამინისტროს პრეს-სამსახური.
გამოძიებით დადგინდა, რომ ბრალდებული ახალგაზრდა მამაკაცს მისი ცოლის პირადი ცხოვრების ამსახველი ფოტოების სოციალურ ქსელში განთავსების მუქარით 5 000 აშშ დოლარს სძალავდა.
სამართალდამცველებმა მამაკაცი მანამდე დააკავეს, ვიდრე მოქალაქე მას მოთხოვნილ თანხას გადასცემდა.
გამოძიება დიდი ოდენობით ქონების მიღების მიზნით გამოძალვის ფაქტზე მიმდინარეობს (საქართველოს სსკ-ის 181-ე მუხლის მე-2 ნაწილის „გ“ ქვეპუნქტით).
