თბილისი, 2 ნოემბერი — Sputnik. მსოფლიოში ქალის თეთრეულის გაყიდვის კუთხით ერთ–ერთმა ყველაზე ცნობილმა კომპანია Victoria"s Secret–მა ორი მილიონი აშშ დოლარის ღირებულების ბიუსტჰალტერი წარმოადგინა, აღნიშნულია კომპანიის ვებ–გვერდზე.
ბიუსტჰალტერი „შამპანიურის ღამეები" წარმოადგინა 27 წლის ბრაზილიელმა მოდელმა ლაის რიბეირომ, რომელიც Victoria"s Secret–ის ანგელოსი 2010 წლიდან არის. მოდური აქსესუარების შვეიცარიული კომპანია Mouawad–ის შექმნილი საცვალი მორთულია ბრილიანტებით, ყვითელი საფირებითა და ცისფერი ტოპაზებით.
ბიუსტჰალტერი Victoria"s Secret–ის ყოველწლიური შოუს ცენტრალური ელემენტი გახდება. შოუ 20 ნოემბერს შანხაიში გაიმართება.
ოქროს ბიუსტჰალტერები უკვე მოდის სახლის ჩვენებების ტრადიციული და მთავარი ელემენტი გახდა. გასულ წელს ის, მაგალითად, ჟიზელ ბუნდჰენს ეცვა.
