თბილისი, 28 ოქტომბერი — Sputnik. თბილისში, პეკინის გამზირზე მსუბუქი ავტომობილი გოგონას შეეჯახა, იუწყება „საზოგადოებრივი მაუწყებლის“ პირველი არხი.
თვითმხილველთა განცხადებით, ავტოსაგზაო შემთხვევა მაშინ მოხდა, როდესაც მოქალაქე გზაზე გადადიოდა.
დაშავებული სასწრაფო-სამედიცინო დახმარების ჯგუფმა საავადმყოფოში გადაიყვანა.
გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ჯანმრთელობის ნაკლებად მძიმე დაზიანება.
