თბილისი, 28 ოქტომბერი — Sputnik. ნეპალში მგზავრებით სავსე ავტობუსის მდინარეში გადავარდნის შედეგად, სულ მცირე, 31 ადამიანი დაიღუპა, იუწყება РИА Новости.
ინციდენტი კატმანდუს გზაზე შაბათ გამთენიისას მოხდა. ავტობუსი ქვეყნის სამხრეთ-აღმოსავლეთით მდებარე ქალაქ რაჯბირაჯიდან დედაქალაქში მიემგზავრებოდა.
მიღებული დაზიანებების მიუხედავად, 15-მა მგზავრმა მდინარიდან ნაპირზე ამოსვლა დამოუკიდებლად მოახერხა.
ავტობუსის მგზავრთა ზუსტი რიცხვი ჯერჯერობით დადგენილი არ არის, თუმცა გადარჩენილი მგზავრების განცხადებით, ავტობუსში 50-მდე მგზავრი იმყოფებოდა, რამდენიმე ადამიანი კი სახურავზე იჯდა.
— Doordarshan News (@DDNewsLive) October 28, 2017
ტრაგედიის ადგილზე სამაშველო ოპერაცია მიმდინარეობს. წინასწარი მონაცემებით, ავარიის მიზეზი სახიფათო მოსახვევში მძღოლის მიერ მართვის კონტროლის დაკარგვა გახდა.
