მსოფლიოს ყველაზე მაღალი შენობების ჩამონათვალში არცერთი ტელერადიო ანძა არ შესულა, გარდა ვარშავის ანძისა. ეს უმაღლესი ნაგებობა იყო მსოფლიოს ისტორიაში 1991 წლამდეც, როდესაც ის ჩამოიშალა, და მას შემდეგაც ასეთად მიიჩნეოდა 2008 წლამდე. შემდეგ კი მას სიმაღლეში ბურჯ-ხალიფის ცათამბჯენმა, KVLY-ს ტელეანძამ და ბოგადინსკის რადიოანძამ გაუსწრო.
1998 წლამდე მაღლივი შენობების რანჟირება მის კონსტრუქციულ სიმაღლეს ეფუძნებოდა, ანუ სიმაღლეს ტროტუარიდან ვიდრე ნაგებობის კონსტრუქციული ელემენტების ზედა წერტილამდე.
1998 წელს კი კლასიფიცირების სისტემა გადაიხედა და ყველაზე მაღალი შენობის გამოსავლენად დამატებითი სამი კატეგორია განისაზღვრა, ანუ შენობის კონსტრუქციულ სიმაღლეს კიდევ სამი კატეგორია დაემატა:
• ბოლო ათვისებული სართულის სიმაღლე — ანუ შენობის სიმაღლე იმ ბოლო სართულის იატაკამდე, რომელზეც გამუდმებით და უსაფრთხოდ იმყოფებიან ადამიანები. ლიფტების სამანქანე განყოფილებები და სხვა ტექბიკური სათავსოები არ ითვლებ);
• სიმაღლე სახურავამდე — თუმცა ეს კატეგორია 2009 წელს გაუქმდა, ვინაიდან თანამედროვე ცათამბჯენებში იშვითად გვხვდება ბრტყელი გადახურვა;
• სიმაღლე კოშკის (ანტენის) წვერამდე — ანუ შენობის თავზე დამონტაჟებული ნებისმიერი საგნის (კოშკი, ანტენა, ფლაგშტოკი…) წვერამდე, მიუხედავად იმისა, თუ რა მასალისგან იქნება ის დამზადებული.
ბურჯ ხალიფა ან ბურჯ დუბაი - სუპერმაღალი ცათამბჯენი დუბაიში, არაბეთის გაერთიანებულ საამიროებში. აღიარებულია როგორც ადამიანის შექმნილი ყველაზე მაღალი სტრუქტურული ნაგებობა. ცათამბჯენის შენება დაიწყო 2004 წლის 21 სექტემბერს და დასრულდა 2010 წლის 4 იანვარს. შენობის ბოლო სართული განთავსებულია 688 მეტრის სიმაღლეზე, ანტენის ქიმი კი - 828 მეტრზე. შენობას აქვს 162 სართული და ჯამში მოიცავს 334000 კვადრატულ მეტრ ფართს
ვარშავის რადიოანძა - ყველაზე მაღალი სტრუქტურული ნაგებობა იყო დედამიწაზე, რომელიც კი ოდესმე ადამიანს შეუქმნია (1991 წელს დანგრევამდე). მდებარეობდა ქ. კონსტანტინოვთან, პოლონეთში. მშენებლობა დაიწყო 1970 წლის ივნისში და დასრულდა 1974 წლის 18 მაისს.რადიოანძამ ფუნცქიონირება დაიწყო იმავე წლის 22 ივნისს. ექსპლუატაციას უწევდა ვარშავის სახელმწიფო ტელერადიოკომპანია რადიოს პირველი არხის მაუწყებლობისთვის სიხშირეზე 225 კილოჰერცი. ორმაჩტიანი გადამცემის სიგნალის დაჭერა შესაძლებელი იყო ევროპაში, ჩრდ. აფრიკაში და ჩრდ. ამერიკაშიც. კონსტრუქციის საერთო წონა შეადგენდა 420 ტონას. კონსტრუქციის წონასწორობას იჭერდა 15 დამჭიმი დამაგრებული 5 დონეზე. 1991 წლის 8 აგვისტოს დამჭიმის გაუმართაობის გამო დაინგრა
სატელევიზიო ანძა ტოკიოში, რომელიც მსოფლიოს ყველა ტელეანძაზე მაღალი და ბურჯ-ხალიფას შემდეგ სიმაღლით მეორე ნაგებობაა. მშენებლობა 2008 წელს დაიწყო და 2012 წელს დასრულდა. შენობის სახურავი 471 მეტრის სიმაღლეზეა, ანტენის წვერი კი - 634 მეტრზე. შენობას 29 სართული აქვს
შანხაის კოშკი - მსოფლიოს ერთ-ერთი უმაღლესი შენობა ჩინეთში, ქალაქ შანხაიში. მისი სიმაღლე 632 მეტრს შეადგენს, ჯამური ფართი კი 380 ათას კვადრატულ მეტრს
ტელერადიო ანძა KVLY აშშ-ში, ჩრდილოეთ დაკოტაშია აღმართული. მისი სიმაღლე 628 მეტრია
აბრაჯ ალ-ბეიტი - მაღალი შენობების კომპლექსი მექაში. წონის მხრივ ეს მსოფლიოს ყველაზე მძიმე შენობაა. მისი სიმაღლე 530 მეტრია, ანტენის თავი კი 601 მეტრის სიმაღლეზეა. შენობაში სულ 120 სართულია
გუანჩჟოუს ტელეანძა სიმაღლით მეორეა, აშენდა 2005-2010 წლებში. შეონბაში, მიწისქვეშა ორი დონის გამოკლებით, 37 სართულია, ბოლო სართულის სიმაღლე 454 მეტრია, ჭერის კი 459,2, ხოლო ანტენის წვერო 600 მეტრს უტოლდება
საერთაშორისო ფინანსური ცენტრი "პინანი" 599 მეტრის სიმაღლისაა და 468 600 კვადრატულ მეტრს მოიცავს. შენობას აქვს 115 სართული, მიწის ქვემოთ კი დამატებით 5 სართული
"სი-ენ თაუერი" ანუ ტორონტოს ტელეანძა - ყველაზე მაღალი ცალკე მდგომი სტრუქტურაა მსოფლიოში, 553,33 მეტრი სიმაღლით და მდებარეობს ტორონტოში. მას ყოველწლიურად ორ მილიონზე მეტი დამთვალიერებელი ჰყავს
მსოფლიოს სავაჭრო ცენტრი (ასევე მსოფლიო სავაჭრო ცენტრი 1 ) - ახალი მსოფლიო სავაჭრო ცენტრის კომპლექსის ადგილზე აშენებული მთავარი ცათამბჯენი, რომლის წინამორბედი 2001 წლის 11 სექტემბრის შეტაკებისას დაინგრა. ცათამბჯენი ყოფილი მსოფლიო სავაჭროს ცენტრის უბნის ჩრდილო-დასავლეთ კუთხეში 65 000 მ² მიწის ნაკვეთზე განთავსდა ვესის, უესტის, ვაშინგტონისა და ფულტონის ქუჩებს შორის ქვემო მანჰენტეზე. ნაგებობის სიმაღლე მისი ქიმის ჩათვლით 546.2 მეტრია
ოსტანკინოს ტელეანძა ცალკე მდგომი სატელევიზიო და რადიო გადამცემი ანძაა მოსკოვში, რუსეთი. 540 მ სიმაღლის ოსტანკინოს პროექტი ეკუთვნის ნიკოლაი ნიკიტინს და გაწევრიანებულია უდიდესი კოშკების საერთაშორისო ფედერაციაში. 2005 წლისთვის ის რჩებოდა ევრაზიაში უმაღლეს ცალკე მდგომ სტრუქტურად
უილის თაუერი (გავრცელებული სახელი სირს თაუერი) - ცათამბჯენი ჩიკაგოში, (ილინოისი), უმაღლესი საოფისე შენობა აშშ-ში. მშენებლობა დაიწყო 1970 წლის აგვისტოში და შენობამ მაქსიმალურ სიმაღლეს 1973 წლის 3 მაისს მიაღწია. დასრულებისას სირს ტაუერმა გაუსწრო მსოფლიო სავაჭრო ცენტრის წყვილს ნიუ-იორკში, როგორც მსოფლიოში უმაღლეს შენობას. ტაუერს 108 სართული აქვს. მანძილი მიწიდან ზემო სახურავამდე 442 მეტრია. 1982 წლის თებერვალში ნაგებობას ორი სატელევიზიო ანტენა დაემატა, რამაც მისი საერთო სიმაღლე 520 მეტრამდე ასწია. დასავლეთის ანტენა 2000 წლის 5 ივნისს დაგრძელდა (527მ) ადგილობრივი ტელესადგურის ტალღების მიღების გასაუმჯობესებლად
ნიუ-იორკში აშენდა იაპონელი არქიტექტორის მინორუ იამასაკის პროექტით. გაიხსნა 1973 წლის 4 აპრილს; განადგურდა 2001 წლის 11 სექტემბრის ტერორისტული აქტის შედეგად. ცენტრის კომპლექსი შედგებოდა 7 შენობისგან, რომელთა შორის არქიტექტურულად დომინირებდა ორი ტყუპი-კოშკი, თითოეული მათგანი 110 სართულით (ჩრდ. 417, სამხ. 415 მ). მათ აგებამდე მსოფლიოში უმაღლესი შენობა იყო ემპაია სტეიტ ბილდინგი, ხოლო მათი განადგურების შემდეგ ეს უკანასკნელი ისევ გახდა უმაღლესი შენობა ქალაქ ნიუ-იორკში.
2001 წლის 11 სექტემბერს ალ-კაიდას მიერ განხორციელებული ტერაქტის შედეგად ორივე შენობა მთლიანად ჩამოინგრა, კომპლექსის კიდევ ერთი შენობა (სასტუმრო მარიოტი) მათ ნანგრევებში მოჰყვა. დანარჩენი ოთხი შენობის კარკასი გადარჩა, თუმცა მოგვიანებით ისინი ექსპლოატაციისთვის გამოუსადეგად სცნეს და დაანგრიეს. ტერორისტული შეტევის შედეგად დაიღუპა 2,753 ადამიანი.[1]
ამ ადგილას აშენდა 6 ახალი ცათამბჯენი, რომელთა შორისაა ამერიკის ყველაზე მაღალი შენობა ფრიდომ ტაუერი. ასევე მემორიალი და სატრანსპორტო კვანძი
2001 წლის 11 სექტემბერს ალ-კაიდას მიერ განხორციელებული ტერაქტის შედეგად ორივე შენობა მთლიანად ჩამოინგრა, კომპლექსის კიდევ ერთი შენობა (სასტუმრო მარიოტი) მათ ნანგრევებში მოჰყვა. დანარჩენი ოთხი შენობის კარკასი გადარჩა, თუმცა მოგვიანებით ისინი ექსპლოატაციისთვის გამოუსადეგად სცნეს და დაანგრიეს. ტერორისტული შეტევის შედეგად დაიღუპა 2,753 ადამიანი.[1]
ამ ადგილას აშენდა 6 ახალი ცათამბჯენი, რომელთა შორისაა ამერიკის ყველაზე მაღალი შენობა ფრიდომ ტაუერი. ასევე მემორიალი და სატრანსპორტო კვანძი
ტაიბეი 101 - 101 სართულიანი ცათამბჯენი ტაიბეიში, ტაივანი. დაპროექტებულია კომპანია C.Y. Lee & Partners მიერ, და მსოფლიოს ყველაზე მაღალ შენობად ითვლებოდა 2007 წლის 21 ივლისამდე (ბურჯ დუბაიმ გაუსწრო) ოთხიდან სამი სტანდარტის მიხედვით, რომელიც მაღლივ შენობათა და ურბანული ჰაბიტატის (?) საბჭოს მიერ არის მიღებული. შენობამ 2004 წელს ემპორის ცათამბჯენის ჯილდო დაიმსახურა
მსოფლიოს ფინანსური ცენტრი შანხაიში - ცათამბჯენი, რომლის ცენტრის სიმაღლეც 492 მეტრია. შემობას 101 სართული აქვს, ჯამური ფართი კი 377 300 კვადრატულ მეტრს შეადგენს
#/media/File:KVLY-TV_Mast_Tower_Wide.jpg){kind=link}
.jpg?uselang=ru#/media/File:World_Trade_Center,_New_York_City_-_aerial_view_(March_2001).jpg){kind=link}
.jpg){kind=link}