თბილისი, 24 ოქტომბერი — Sputnik. ქართული ღვინო პირველად მონაწილეობს ღვინის საერთაშორისო გამოფენაში MEGAVINO 2017, რომელიც 20-23 ოქტომბერს ბელგიის დედაქალაქ ბრიუსელში გაიმართა.
ღვინის ეროვნული სააგენტოს მხარდაჭერით, ღონისძიებაში, რომელიც მე-19-ჯერ გაიმართა, მონაწილეობა მიიღო 9 ქართულმა კომპანიამ, ნათქვამია განცხადებაში, რომელიც უწყების ვებგვედრზე გამოქვეყნდა.
გამოფენის ფარგლებში გაიმართა ქართული ღვინის დეგუსტაცია პროფესიონალებისთვის და მასზე წარმოდგენილი იყო შემდეგი ღვინოები: "მანავის მწვანე" (კახური ღვინის მარანი), "ხიხვი" (შილდა), "წინანდალი" (მოსმიერი), „ქისი-ხიხვი ქვევრი" და „ქინძმარაული" (შატო ნეკრესი), „რქაწითელი ქვევრი" და „ხიხვი ქვევრი" (ვაზიანი), „საფერავი" (ქიმერიონი) და „ტვიში" და „საფერავი ქვევრი" (წინანდლის ძველი მარანი).
გამოფენა MEGAVINO ბენილუქსის ქვეყნების ერთ-ერთი ყველაზე პრესტიჟული და მასშტაბური ღონისძიებაა და ღვინის ინდუსტრიაში ერთ-ერთ მთავარ მოვლენას წარმოადგენს.
2017 წელს გამოფენაზე წარმოდგენილი იყო 20-ზე მეტი ქვეყნის 300-მდე დასახელების ღვინო. გამოფენის ფარგლებში იმართება კონკურსები, სემინარები, კონფერენციები. გამოფენა-გაყიდვაზე წარმოდგენილია ღვინის აქსესუარები.
MEGAVINO 2017-ის საპატიო სტუმარი იყო ბულგარეთი, იუწყებიან საქართველოს ღვინის ეროვნულ სააგენტოში.
