თბილისი, 22 ოქტომბერი — Sputnik. ფოთის 70-ე საოლქო საარჩევნო კომისიის შენობასთან მორიგი საპროტესტო აქცია გამართეს ოპოზიციური პარტიების ფოთის მერობის კანდიდატებმა, იუწყება "Sputnik–საქართველოს" კორესპონდენტი.
მათი მოთხოვნა უცვლელია – ისინი 31-ე საარჩევნო უბნის შედეგების გაუქმებას და 2500-ზე მეტი ბიულეტენის თავიდან გადათვლას მოითხოვენ.
ოპოზიციური პარტიების წარმომადგენლები აღნიშნული უბნის კომისიის თავჯდომარეს საარჩევნო ყუთში 100-ზე მეტი ბიულეტენის ჩაყრაში ადანაშაულებენ.
აღნიშნულ ფაქტთან დაკავშირებით ფოთის 70-ე საოლქო საარჩევნო კომისიაში კომენტარს არ აკეთებენ.
ჯემალ ღამბაშიძე
