ქართველმა ძიუდოისტებმა მსოფლიო ჩემპიონატზე ორი ბრინჯაოს მედალი მოიპოვეს

© IJFბაგრატ ნინიაშვილი
ბაგრატ ნინიაშვილი - Sputnik საქართველო
გამოწერა
საერთო გუნდურ ჩათვლაში საქართველოს ნაკრები იაპონიისა და აზერბაიჯანის ნაკრებების შემდეგ მოდის.

თბილისი, 20 ოქტომბერი — Sputnik. ქართველმა ძიუდოისტებმა ბაგრატ ნინიაშვილმა (-66 კგ) და ტატო გრიგალაშვილმა (-73 კგ) მსოფლიოს ახალგაზრდულ ჩემპიონატზე (U-19), რომელიც ხორვატიის ქალაქ ზაგრებში იმართება, ბრინჯაოს მედლები მოიპოვეს, ნათქვამია IJF-ის ოფიციალურ საიტზე გავრცელებულ განცხადებაში.

ორივე სპორტსმენი ნახევარფინალში გავიდა, მაგრამ მომავალ ჩემპიონებთან ორთაბრძოლა წააგეს. ნინიაშვილმა ბრაზილიელ დანიელ კარგნინს დაუთმო, ხოლო გრიგალაშვილი აზერბაიჯანელ ჰიდაიატ ჰეიდაროვთან დამარცხდა.

© photo: IJFქართველი ძიუდოისტი ტატო გრიგალაშვილი
Грузинские дзюдоист Тато Григалашвили - Sputnik საქართველო
ქართველი ძიუდოისტი ტატო გრიგალაშვილი

ასე რომ, მსოფლიო ჩემპიონატის ორი დღის განმავლობაში საქართველოს ნაკრებმა სამი მედალი მოიპოვა. პირველ დღეს საპატიო კვარცხლბეკის უმაღლეს საფეხურზე ჯაბა პაპინაშვილი ავიდა (-55 კგ).

მოპოვებული მედლების რაოდენობით საქართველოს ნაკრები საერთო გუნდურ ჩათვლაში მესამე ადგილს იკავებს, ლიდერობს იაპონიის გუნდი ექვსი მედლით, აქედან ოთხი ოქროსია. მეორე ადგილზე კი აზერბაიჯანის ნაკრებია.

ჯაბა პაპინაშვილი - Sputnik საქართველო
ქართველმა ძიუდოისტმა მსოფლიო ჩემპიონატის ოქრო მოიპოვა

პარასკევს ზაგრებში მედლების ოთხი კომპლექტი გათამაშდება — ორ-ორი ვაჟებსა და გოგონებს შორის. საქართველოს ნაკრებს წარმოადგენენ ლუკა მაისურაძე და ტრისტან მოსაბლიშვილი (ორივე —81 კგ), გიორგი ჩიქოვანი და იმედა გოგოლაძე (ორივე —90 კგ), ასევე სოფიო სომხიშვილი (+78 კგ).

ყველა ახალი ამბავი
0