სუდაძე: პირველი მანქანა 80-იან წლებში ავაწყვე „ზაპოროჟეცის“ აგრეგატებზე
„პირველად დაახლოებით 1985-90 წლებში ავაწყვე „ზაპოროჟეცის“ აგრეგატებზე ორადგილიანი ბაგი. 90-იან წლებში, არეულობის და სიბნელის პერიოდში მქონდა პაუზა. ვეღარ ვახერხებდი მუშაობას ამ კუთხით. დაახლოებით 15 წლის წინ გამიჩნდა თავისუფალი დრო, ფინანსები. გადავწყვიტე ჩემი ჰობი კვლავ გამეხსენებინა და ახალგაზრდობის ოცნება ამეხდინა“, — ამბობს გურამ სუდაძე.
მანქანებს სხვადასხვა ავტომობილების ნაწილების დახმარებით აწყობს, გარსი კი საკუთარი ხელით აქვს ჩამოსხმული და „გამოძერწილი“. ბატონი გურამი განსხვავებული სახის დიზაინის მქონე მანქანებს ქმნის. მას 1000 ევრომდე დაუჯდა იმ მოდელის აწყობა, რომლის ანალოგიც კანადაში 30 ათასი დოლარი ჯდება.