საკრებულოს სხდომა ოპოზიციის ხმაურიანი საპროტესტო აქციის ფონზე მიმდინარეობდა. ოპოზიციის წარმომადგენლებმა კომპანია "თბილისი სითისთვის" თბილისში მიწის ორი დიდი ნაკვეთის გადაცემა გადაწყვიტეს. ფოტოლენტაში იხილავთ, თუ როგორ მიმდინარეობდა მიტინგი, რომელიც შეტაკებაში გადაიზარდა.
თბილისის საკრებულოს დეპუტატებმა მხარი დაუჭირეს მერიის გადაწყვერილებას ექს-პრემიერი ბიძინა ივანიშვილის მიერ ასოცირებული კომპანია „თბილისი სითისთვის" პუშკინის სკვერთან და თაბორის მთაზე მდებარე ორი მიწის ნაკვეთის გადაცემის შესახებ.
საუბარია პუშკინის სკვერის მიმდებარედ 1,9 ათასი კვადრატული მეტრი მიწის ნაკვეთზე და თაბორის მთაზე 5 ათას კვადრატულ მეტრ ფართობზე. პრივატიზების პირობების მიხედვით, პუშკინის სკვერის მიმდებარე ტერიტორიაზე მინიმუმ 30 ავტომობილისთვის პარკინგის მშენებლობა იგეგმება, ხოლო ტაბორის მთაზე — საირიგაციო სისტემა სარეკრეაციო ზონისთვის, რომელიც „პანორამა თბილისის" ფარგლებში მოეწყობა.
პუშკინის სკვერთან მდებარე ტერიტორიაზე კომპანია „თბილისი სიტის" სიმბოლურ ფასად — 1 ლარად გადასცეს, ხოლო თაბორის მთაზე მდებარე ტეროტორია — შპს „თაბორი რეზორტს", თუმცა გარიგების თანხა არ დასახელებულა.
საკრებულოს სხდომა ოპოზიციის ხმაურიანი საპროტესტო აქციის ფონზე მიმდინარეობდა, რომელსაც შეხლა-შემოხლა ახლდა. „ერთიანი ნაციონალური მოძრაობის" წარმომადგენლები და მათი მომხრეები დღის მეორე ნახევარში შეიკრიბნენ. პოლიციასთან პირველი დაპირისპირება 14:00 საათზე მას შემდეგ დაიწყო, რაც მომიტინგეებმა საკრებულოს შენობაში შესვლა სცადეს.
უსაფრთხოების ზომებიდან გამომდინარე საკრებულოს თავმჯდომარემ გიორგი ალიბეგაშვილმა სხდომის დაწყებამდე საკრებულოს შენობა უცხო პირთათვის დახურა, შენობაში შესვლა მხოლოდ მედიის წარმომადგენლებისთვის დაიშვა.
