თბილისი, 9 ოქტომბერი — Sputnik. საქართველოს პრეზიდენტმა გიორგი მარგველაშვილმა ვეტოს უფლება გამოიყენა და კონსტიტუციის პროექტს თავისი შენიშვნებით პარლამენტს უბრუნებს.
"დღეს მე გადავაგზავნი საქართველოს პარლამენტში კონსტიტუციასთან მიმართებაში მოტივირებულ შენიშვნებს", – განაცხადა მარგველაშვილმა ბრიფინგზე.
მისი განცხადებით, შენიშვნები ეხება ექვს საკითხს, მათ შორისაა პირდაპირი საპრეზიდენტო არჩევნების გაუქმებისა და საპარლამენტო არჩევნების სისტემის შეცვლის შესახებ გადაწყვეტილებების გადადება.
