თბილისი, 9 ოქტომბერი — Sputnik. საქართველოს ფინანსთა სამინისტროს შემოსავლების სამსახურის თანამშრომლებმა საკონტროლო–გამშვებ პუნქტ "წითელ ხიდზე" აზერბაიჯანის მოქალაქეს ორ კილოგრამზე მეტი ოქროს ფილები აღმოუჩინეს, აღნიშნულია უწყების განცხადებაში.
სამართალდამცველებმა ფილები აზერბაიჯანის მოქალაქის პირადი ჩხრეკისას აღმოაჩინეს. კონტრაბანდული საქონლის საერთო ღირებულება თითქმის 131 ათასი ლარია.
შემდგომი რეაგირებისთვის საქმე საქართველოს ფინანსთა სამინისტროს საგამოძიებო სამსახურს გადაეცა.
