თბილისი, 27 სექტემბერი — Sputnik. ტრანსპორტის მოძრაობა ძველი თბილისის რაიონში, თაბუკაშვილის ქუჩაზე შეიზღუდება 28 სექტემბრიდან ოქტომბრის ბოლომდე, ნათქვამია მერიის ვებგვერდზე გამოქვეყნებულ განცხადებაში.
შეზღუდვები წესდება ორბელიანის მოედანზე მიმდინარე სარემონტო სამუშაოებთან დაკავშირებით. შესაბამისად, ტრანპორტის მოძრაობა ამ მოედნიდან ჭანტურიას ქუჩამდე შეიზღუდება.
აქედან გამომდინარე, საზოგადოებრივი ტრანსპორტი ბარათაშვილის ქუჩიდან გაივლის პუშკინის ქუჩას, თავისუფლების მოედანს, რუსთაველის გამზირს, ჩაუხვევს ჭანტურიას ქუჩაზე, საიდანაც მოძრაობას თაბუკაშვილის ქუჩაზე განაგრძობს.
